برطانیہ میں اے آئی کے باعث 80 لاکھ وائٹ کالر ملازمتیں خطرے میں

برطانیہ کے معروف تھنک ٹینک ‘انسٹی ٹیوٹ فار پبلک پالیسی ریسرچ’ نے خبردار کیا ہے کہ اگر مصنوعی ذہانت (AI) پر انحصار کم نہ کیا گیا تو ملک میں 80 لاکھ وائٹ کالر ملازمتیں ختم ہو سکتی ہیں۔ رپورٹ کے مطابق مصنوعی ذہانت کے بڑھتے ہوئے استعمال سے سب سے زیادہ وہ ملازمین متاثر ہوں گے جو 75 فیصد سے کم درجے کی آمدن حاصل کر رہے ہیں۔ ماہرین کا کہنا ہے کہ ٹیکنالوجی کے اس غلبے سے ان ملازمتوں کی قدر یا تو بالکل ختم ہو جائے گی یا ان میں شدید کمی آئے گی۔ تاہم، وہ شعبے جہاں انسانی فیصلہ سازی اور اعلیٰ درجے کی مہارت درکار ہے، وہ فی الحال محفوظ تصور کیے جا رہے ہیں۔