گووندا کے مبینہ معاشقے پڑھنے کیلئے فلمی رسالے خریدتی تھی، سنیتا آہوجا

بالی وڈ اسٹار گووندا کی اہلیہ سنیتا آہوجا نے ایک پرانے انٹرویو کے وائرل کلپ میں حیران کن انکشاف کیا ہے کہ وہ ماضی میں اپنے شوہر کے مبینہ معاشقوں کی خبریں پڑھنے کے لیے فلمی رسالے خریدا کرتی تھیں۔ سنیتا نے مزاحیہ انداز میں کہا کہ اگر کسی رسالے میں گووندا کے بارے میں کوئی نئی خبر نہ ملتی تو انہیں افسوس ہوتا تھا۔ اسی گفتگو کے دوران گووندا نے بھی مذاق میں خود کو ایک ایسا “اچھا اداکار” قرار دیا جو اپنے معاشقے چھپانا جانتا ہے۔ تاہم، سنیتا نے واضح کیا کہ انہیں اپنے شوہر پر مکمل اعتماد ہے اور وہ انہیں ایک نہایت ذمہ دار اور وفادار خاندانی شخص مانتی ہیں۔