بل گیٹس کا 2 خواتین کیساتھ تعلقات کا اعتراف، ایپسٹین فائلز میں نام پر معافی مانگ لی

ٹیکنالوجی کی دنیا کے بے تاج بادشاہ بل گیٹس نے بالآخر اعتراف کر لیا ہے کہ ان کے ماضی میں دو خواتین کے ساتھ تعلقات رہے ہیں۔ جیفری ایپسٹین کیس کے حوالے سے سامنے آنے والی تفصیلات پر ردعمل دیتے ہوئے بل گیٹس نے ایپسٹین کے ساتھ وقت گزارنے کو اپنی زندگی کی “بڑی غلطی” قرار دیتے ہوئے معافی مانگ لی ہے۔ انہوں نے واضح کیا کہ اگرچہ ایپسٹین کو ان کے ذاتی تعلقات کا علم تھا، لیکن ان کا ایپسٹین کی غیر قانونی سرگرمیوں یا متاثرہ خواتین سے کوئی لینا دینا نہیں۔ بل گیٹس کا کہنا تھا کہ ان کی سابق اہلیہ ملینڈا کو بھی اس معاملے پر ہمیشہ تحفظات رہے ہیں۔