پاکستان اسٹاک میں 5149پوائنٹس کی کمی، سرمایہ کاروں کے 5کھرب سے زائد ڈوب گئے

پاکستان اسٹاک ایکسچینج میں کاروباری ہفتے کے پہلے  5149 پوائنٹس کی بڑی مندی ہوئی۔  78 فیصد حصص کی قیمتیں کم ہونے سے سرمایہ کاروں کے 5 کھرب 77 ارب روپے ڈوب گئے، کاروبارکے اختتام پرہنڈریڈ انڈیکس 1 لاکھ 74 ہزار 453 پر آگیا۔

کموڈٹیز کی عالمی مارکیٹس میں غیریقینی ماحول، لسٹڈ کمپنیوں کی توقعات سے کم مالیاتی نتائج، غیرملکیوں، بروکرز، فنڈز اور انفرادی سرمایہ کاروں کی پری رمضان پرافٹ ٹیکنگ سے اسٹاک ایکس چینج  میں بڑی مندی دیکھی گئی۔

ٹریڈنگ کے دوران انڈیکس کی 1لاکھ 79ہزار، 1لاکھ 78ہزار، 1لاکھ 77ہزار، 1لاکھ 76ہزار اور 1لاکھ 75ہزار پوائنٹس کی مزید پانچ سطحیں بھی گرگئیں۔  78فیصد حصص کی قیمتوں میں کمی واقع ہوئی جبکہ سرمایہ کاروں کے 5کھرب 77ارب 91کروڑ 85لاکھ 4ہزار 443روپے ڈوب گئے۔

امریکا اورایران کے درمیان کشیدگی اورشیئرہولڈرز کے لیے توقعات سے کم ڈیویڈنڈ کے اعلانات کے باعث سرمایہ کاروں نے تمام شعبوں میں محتاط طرز عمل اختیارکیا اور شیئرز کی آف لوڈنگ کو ترجیح دی۔ ٹریڈنگ کے دوران ایک موقع پر100انڈیکس میں 6029پوانٹس کی کمی بھی دیکھی گئی۔