چین کی 530 میٹر بلند عمارت، جدید تعمیراتی مہارت کا ایک شاندار نمونہ

چین کے شہر گوانگژو میں واقع گوانگژو سی ٹی ایف فنانشل سینٹر جدید تعمیراتی مہارت اور ٹیکنالوجی کا شاہکار ہے، لیکن عالمی شہرت اسے اس کی تیز ترین لفٹس نے دی۔

یہ فلک بوس عمارت 2016 میں مکمل ہوئی، 530 میٹر بلند ہے، جس میں 111 منزلیں اوپر اور 5 زیرِ زمین ہیں۔ خاص طور پر دو ایکسپریس لفٹس نے عالمی ریکارڈ قائم کیا، جو گراؤنڈ فلور سے 95ویں منزل صرف 43 سیکنڈ میں طے کرتی ہیں۔

لفٹس کی زیادہ سے زیادہ رفتار 1200 میٹر فی منٹ (تقریباً 72 کلومیٹر فی گھنٹہ) ہے، اور ان کی تنصیب جاپانی کمپنی ہٹاچی نے کی۔ عمارت میں 95 لفٹس شامل ہیں، جن میں ڈبل ڈیکر، تیز رفتار اور درمیانی رفتار کی لفٹس شامل ہیں۔

ان لفٹس کی انجینئرنگ انتہائی جدید ہے:

مستقل مقناطیسی موٹرز اور ہلکی ٹریکشن مشینیں استعمال کی گئی ہیں ایروڈائنامک کیبن ڈیزائن کے ذریعے ہوا کی مزاحمت کم کی گئی ہے ہنگامی حالات کے لیے مضبوط بریکنگ نظام نصب ہے، جو 300 ڈگری سینٹی گریڈ حرارت برداشت کر سکتا ہے ایکٹیو گائیڈ رولرز چھوٹی لرزش فوراً کم کر دیتے ہیں پریشرائزڈ کیبن کانوں پر دباؤ کو کم کرتا ہے

یہ عمارت اور اس کی لفٹس جدید انجینئرنگ کا ایسا نمونہ ہیں جہاں رفتار، حفاظت اور آرام کو ایک ساتھ ممکن بنایا گیا ہے۔