امریکی صدر ٹرمپ کی امریکی کرکٹ ٹیم کے لیے نیک خواہشات، ٹی ٹوئنٹی ورلڈ کپ میں کامیابی کی دعا

واشنگٹن: امریکی صدر ڈونلڈ ٹرمپ نے آئی سی سی ٹی ٹوئنٹی ورلڈ کپ میں شریک امریکی کرکٹ ٹیم کے لیے نیک خواہشات کا اظہار کیا ہے۔

اپنے سوشل میڈیا پلیٹ فارم ٹروتھ سوشل پر جاری بیان میں ٹرمپ نے کہا، “میں ٹیم یو ایس اے کے لیے نیک تمناؤں کا اظہار کرتا ہوں، ہماری ٹیم بہت مضبوط ہے۔ امریکا آپ کے ساتھ ہے۔”

خیال رہے کہ امریکی ٹیم کا ٹی ٹوئنٹی ورلڈ کپ میں پہلا میچ گزشتہ روز بھارت کے خلاف ہوا، جس میں بھارت نے امریکا کو شکست دی تھی۔ امریکی ٹیم اب باقی میچوں میں اپنی کارکردگی بہتر کرنے کی کوشش کرے گی۔