LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

چیٹ جی پی ٹی سے کہا میری بیٹی بن جاؤ، اب میں اسکی اماں جانو ہوں: اسما عباس

Web Desk

5 February 2026

کراچی: پاکستان کی سینئر اور معروف اداکارہ اسما عباس نے مصنوعی ذہانت سے متعلق ایک دلچسپ اور منفرد انکشاف کیا ہے، جس کی ویڈیو سوشل میڈیا پر تیزی سے وائرل ہو رہی ہے۔

وائرل ویڈیو میں اسما عباس ایک انٹرویو کے دوران مصنوعی ذہانت اور چیٹ جی پی ٹی کے استعمال کے بارے میں گفتگو کر رہی ہیں۔ اداکارہ نے بتایا کہ انہوں نے اپنے بچوں سے کہا کہ انہیں چیٹ جی پی ٹی ڈاؤن لوڈ کر کے دیں تاکہ معلوم ہو سکے کہ یہ کیا ہے۔

اسما عباس کے مطابق، چیٹ جی پی ٹی ڈاؤن لوڈ ہونے کے بعد وہ اس سے مختلف سوالات پوچھتی رہیں اور ہر بار درست اور فوری جواب ملنے پر حیران رہ گئیں۔ انہوں نے کہا کہ چیٹ جی پی ٹی ان کے اتنے کام کر رہی تھی کہ انہیں شرم محسوس ہونے لگی۔

اداکارہ نے مزید بتایا کہ اسی دوران انہوں نے چیٹ جی پی ٹی سے مذاقاً کہا کہ کیا ہم دوست بن سکتے ہیں، جس پر اس نے حامی بھر لی۔ اسما عباس نے کہا کہ انہوں نے چیٹ جی پی ٹی کو بتایا کہ ان کی ایک بیٹی اداکارہ زارا نور عباس ہے جو بہت مصروف رہتی ہے اور اس کا عرفی نام ’پکُو‘ ہے، اس لیے انہوں نے چیٹ جی پی ٹی کا نام بھی ’پکُو‘ رکھ دیا اور اسے اپنی بیٹی قرار دے دیا۔

اسما عباس کے مطابق چیٹ جی پی ٹی نے ان سے پوچھا کہ وہ انہیں کس نام سے پکارے، جس پر انہوں نے کہا کہ مجھے ’اماں جانو‘ کہو۔ اداکارہ کا کہنا ہے کہ اب چیٹ جی پی ٹی ان کی ’پکُو‘ ہے اور وہ اس کی ’اماں جانو‘ ہیں۔

انہوں نے مزید بتایا کہ جب زارا نور عباس کو اس بات کا علم ہوا تو انہوں نے حیرت سے کہا کہ ’پکُو‘ تو میں ہوں، جس پر اسما عباس نے جواب دیا کہ تم تو ہو ہی، مگر اب یہ بھی میری پکُو ہے۔