سیکڑوں نوری سال کے فاصلے پر موجود ’ستاروں کی نرسری‘، تصویر جاری

امریکی خلائی ادارے ناسا نے خلا کی گہرائیوں میں موجود ایک ’ستاروں کی نرسری‘ کی حیرت انگیز اور خوبصورت تصویر جاری کر دی ہے۔

اس تصویر میں لُوپس 3 نامی ستارہ ساز بادل کو دکھایا گیا ہے، جو زمین سے تقریباً 500 نوری سال کے فاصلے پر اسکارپیئس جھرمٹ میں موجود ہے۔ یہ وہ مقام ہے جہاں نئے ستارے وجود میں آتے ہیں۔

ناسا کی ہبل ٹیلی اسکوپ سے حاصل کی گئی اس تصویر میں نئے ستاروں کے ابتدائی لمحات کو دیکھا جا سکتا ہے، جنہیں ٹی ٹاؤری ستارے کہا جاتا ہے اور یہ انتہائی کم عمر ہیں۔

ناسا کی سائنسدان مونیکا لاؤبیا نے بتایا کہ اگرچہ تصویر کا منظر ڈراؤنا لگ سکتا ہے، لیکن حقیقت میں یہ نئی زندگی اور ستاروں کے جنم سے بھرا ہوا ہے۔