LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے

ایم پی او کے تحت کراچی میں 180 افراد نظر بند، تمام افراد ہمارے کارکن ہیں، پی ٹی آئی کا دعویٰ

Web Desk

1 February 2026

محکمہ داخلہ سندھ نے ایم پی او آرڈر کے تحت کراچی کے مختلف اضلاع سے تعلق رکھنے والے 180 افراد کو نظر بند کرنے کا نوٹیفیکیشن جاری کر دیا ہے۔ نوٹیفیکیشن کے مطابق سینٹرل ضلع سے 24، ڈسٹرکٹ ساؤتھ سے 21 جبکہ ضلع ایسٹ سے 51 افراد کے نام فہرست میں شامل کیے گئے ہیں۔

محکمہ داخلہ کے مطابق ضلع کیماڑی سے 23، کورنگی سے 22 اور ملیر سے 9 افراد کو نظر بندی کی فہرست میں شامل کیا گیا ہے، جبکہ ضلع ویسٹ سے 30 افراد کے نام شامل ہیں۔

نوٹیفیکیشن میں کہا گیا ہے کہ فہرست میں شامل افراد ممکنہ طور پر راستے بند کرنے، دھرنے دینے اور امن و امان کی صورتحال خراب کر سکتے ہیں، جس کے نتیجے میں عوام کی جان و مال کو خطرہ لاحق ہو سکتا ہے۔

تمام فہرست میں شامل افراد کو 30 دن کے لیے نظر بند کرنے کے احکامات جاری کیے گئے ہیں، جبکہ ہدایت دی گئی ہے کہ انہیں گرفتار کر کے ملیر جیل منتقل کیا جائے۔
محکمہ داخلہ کے مطابق تمام نام متعلقہ اضلاع کے ایس ایس پیز کی سفارش پر شامل کیے گئے ہیں۔

نوٹیفیکیشن میں کہیں بھی پاکستان تحریک انصاف کا نام شامل نہیں کیا گیا، تاہم پی ٹی آئی سندھ کے ترجمان نے دعویٰ کیا ہے کہ فہرست میں شامل تمام افراد کا تعلق پاکستان تحریک انصاف سے ہے۔