وزیرِ اعظم نے پنجاب ایگری کلچر فوڈ اینڈ ڈرگ اتھارٹی کا قیام کردیا
Web Desk
31 January 2026
وزیراعظم محمد شہباز شریف اور وزیراعلیٰ پنجاب مریم نواز نے پنجاب ایگری کلچر فوڈ اینڈ ڈرگ اتھارٹی (PAFDA) کا باقاعدہ افتتاح کر دیا۔ افتتاحی تقریب کے موقع پر وزیراعظم اور وزیراعلیٰ پنجاب نے اتھارٹی کے مختلف شعبوں اور جدید لیبارٹریز کا معائنہ کیا۔
وزیراعظم شہباز شریف اور وزیراعلیٰ مریم نواز کو لیبارٹریز کے حوالے سے تفصیلی بریفنگ دی گئی، جبکہ ایک دستاویزی فلم کے ذریعے وزیراعلیٰ پنجاب کے اصلاحاتی اقدامات کا جامع احاطہ بھی پیش کیا گیا۔
تقریب سے خطاب کرتے ہوئے وزیراعظم شہباز شریف نے کہا کہ زرعی مصنوعات اور ادویات کی شفاف نگرانی کے لیے ایسی اتھارٹی کا قیام وقت کی اہم ضرورت ہے۔ انہوں نے کہا کہ PAFDA خطے میں سینٹر آف ایکسیلنس کے طور پر ابھرے گی۔
وزیراعظم نے پنجاب میں شفافیت، جدید ٹیکنالوجی کے استعمال اور اصلاحاتی اقدامات پر وزیراعلیٰ مریم نواز کو خراجِ تحسین پیش کرتے ہوئے کہا کہ سائنسدانوں اور ماہرین کی کاوشیں قابلِ ستائش ہیں۔ ان کا کہنا تھا کہ فوڈ اینڈ ڈرگ اتھارٹی صرف پنجاب نہیں بلکہ پورے ملک کی خدمت کے لیے قائم کی گئی ہے، جبکہ جرائم کے خلاف ناقابلِ تردید شواہد فراہم کرنے کے لیے فرانزک لیبارٹریز کا جال بچھایا گیا ہے۔
وزیراعلیٰ پنجاب مریم نواز نے اپنے خطاب میں کہا کہ پنجاب ایگری کلچر فوڈ اینڈ ڈرگ اتھارٹی کا قیام عوامی خدمت کا منہ بولتا ثبوت ہے۔ ان کا کہنا تھا کہ پنجاب ترقی اور خوشحالی کی راہ پر گامزن ہے اور صوبے میں ڈیجیٹل انقلاب کا آغاز ہو چکا ہے، جبکہ میرٹ پر کسی صورت سمجھوتہ نہیں ہوگا۔
مریم نواز نے کہا کہ عوام کی خدمت حکومت کی اولین ترجیح ہے اور جدید لیبارٹریز نہ ہونے کی وجہ سے ماضی میں برآمد کنندگان اور صارفین دونوں کو نقصان اٹھانا پڑتا تھا۔
انہوں نے مزید بتایا کہ سیٹلائٹ کرائم سین یونٹس کا دائرہ کار 38 اضلاع تک بڑھایا جا رہا ہے۔ وزیراعلیٰ کا کہنا تھا کہ PAFDA دس سالہ محنت کا ثمر ہے اور ایک زرعی ملک ہونے کے باوجود ٹیسٹنگ لیبارٹریز کا نہ ہونا ایک لمحہ فکریہ تھا۔
متعلقہ عنوانات
پاکستان اور مالدیپ کے درمیان بحری تجارت اور تعاون بڑھانے پر اتفاق
20 November 2026
اسلام آباد پولیس کی SWAT فورس کو 20 نئی گاڑیاں فراہم کر دی گئیں
20 November 2026
سعودیہ نے ریاض کے بلند ترین ٹاور متاثر ہونے کی تصدیق کردی
20 November 2026
سلامتی کونسل کالعدم بی ایل اے اور مجید بریگیڈ پر پابندیاں لگائے: چین
20 November 2026
افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل
20 November 2026
دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص
20 November 2026
دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی
20 November 2026
شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے
20 November 2026