برطانیہ میں ہر بالغ شہری کو اے آئی ٹیکنالوجی کی تربیت دی جائے گی

برطانیہ کی حکومت نے اعلان کیا ہے کہ ہر بالغ شخص کو آرٹیفیشل انٹیلیجنس (AI) ٹیکنالوجی کے مؤثر استعمال کی تربیت فراہم کی جائے گی۔

یہ مختصر کورس 20 منٹ سے بھی کم وقت میں مکمل ہو جائے گا اور اس میں سکھایا جائے گا کہ کس طرح کام کے مقامات پر AI ٹولز کا بہتر استعمال کیا جا سکتا ہے۔

ڈپارٹمنٹ فار سائنس، انوویشن اینڈ ٹیکنالوجی کے مطابق یہ حکومتی اقدام بزنس ایکسپرٹ پینل اور ٹریڈ یونینز کی حمایت حاصل کر چکا ہے۔ تربیت کے نتیجے میں ورکرز کو معمول کے روزمرہ کاموں سے فراغت ملے گی اور زیادہ ہائی اسکلڈ نوکریاں پیدا ہوں گی۔ کورس مکمل کرنے والے افراد کو ورچوئل AI فاؤنڈیشن بیج بھی دیا جائے گا۔

وزراء کا خیال ہے کہ برطانیہ جی سیون ممالک میں سب سے تیزی سے AI کو اپنانے والا ملک بنے گا، جبکہ ورکرز ٹیکنالوجی کے غلط استعمال کے خدشات کا بھی اظہار کر رہے ہیں۔