یو ایس بی، فلیش ڈرائیو، میموری کارڈ پر درآمدی ڈیوٹی مقرر

فیڈرل بورڈ آف ریونیو (ایف بی آر) نے ڈیٹا ٹرانسفر کے لیے استعمال ہونے والی یو ایس بی، فلیش ڈرائیوز اور میموری کارڈز پر نئی پرائس ویلیوایشن مقرر کر دی ہے، جس کے تحت درآمدی مصنوعات پر کسٹمز ڈیوٹی عائد کی جائے گی۔ اس حوالے سے ایف بی آر نے باضابطہ نوٹیفکیشن بھی جاری کر دیا ہے۔

سرکاری دستاویزات کے مطابق چین سے درآمد کی جانے والی 16 جی بی یو ایس بی پر 0.78 ڈالر جبکہ چین کے علاوہ دیگر ممالک سے درآمد شدہ 16 جی بی یو ایس بی پر 1 ڈالر کسٹمز ڈیوٹی عائد ہو گی۔

اسی طرح چینی امپورٹڈ 32 جی بی یو ایس بی پر 0.87 ڈالر جبکہ دیگر ممالک سے درآمد شدہ 32 جی بی یو ایس بی پر 1.13 ڈالر کسٹمز ڈیوٹی مقرر کی گئی ہے۔

دستاویز کے مطابق چین سے درآمد کی گئی 64 جی بی یو ایس بی پر 1.17 ڈالر جبکہ دیگر ممالک سے آنے والی 64 جی بی یو ایس بی پر 1.52 ڈالر کسٹمز ڈیوٹی عائد ہو گی۔چین سے منگوائی جانے والی 128 جی بی یو ایس بی پر 2.60 ڈالر اور چین کے علاوہ دیگر ممالک سے درآمد کی جانے والی 128 جی بی یو ایس بی پر 3.38 ڈالر کسٹمز ڈیوٹی لاگو ہو گی۔مزید بتایا گیا ہے کہ چین سے درآمد شدہ 512 جی بی یو ایس بی پر 3.99 ڈالر جبکہ دیگر ممالک سے امپورٹڈ 512 جی بی یو ایس بی پر 5.18 ڈالر کسٹمز ڈیوٹی عائد کی جائے گی۔اسی طرح چین سے درآمد کی جانے والی 1 ٹیرا بائٹ یو ایس بی پر 7.64 ڈالر جبکہ دیگر ممالک سے آنے والی 1 ٹی بی یو ایس بی پر 9.93 ڈالر کسٹمز ڈیوٹی مقرر کی گئی ہے۔چین سے امپورٹڈ 2 ٹیرا بائٹ یو ایس بی پر 14.76 ڈالر اور چین کے علاوہ دیگر ممالک سے درآمد شدہ 2 ٹی بی یو ایس بی پر 19.18 ڈالر کسٹمز ڈیوٹی عائد ہو گی۔ایف بی آر کے مطابق نئی ویلیوایشن کا اطلاق فوری طور پر ہو گا اور اس کا مقصد درآمدی اشیاء کی درست قیمت کے تعین اور ریونیو میں اضافہ ہے۔