راشد محمود کی طبیعت ناساز، مداحوں سے دعاؤں کی اپیل

شوبز کے سینئر اداکار راشد محمود نے مداحوں سے دعا کی درخواست کی ہے۔ راشد محمود کئی مشہور کلاسک ڈراموں میں اپنی اداکاری کے لیے جانے جاتے ہیں، خاص طور پر منفی کرداروں میں۔

اداکار نے حال ہی میں ویڈیو کے ذریعے بتایا کہ گزشتہ بیس دنوں سے وہ بستر پر ہیں اور ورٹیبرا کے مسائل کے باعث پہلے سے دل کا مریض ہونے کے باوجود مزید طبی مشکلات کا سامنا ہے۔

راشد محمود نے کہا کہ علاج کے بعد وہ کچھ حد تک چلنے کے قابل ہو گئے ہیں اور مداحوں سے دعا کی اپیل کی تاکہ وہ دوبارہ اپنی پیشہ ورانہ زندگی کی طرف لوٹ سکیں۔