پی ٹی اے کا بیرونِ ملک پاکستانیوں کے لیے بڑی سہولت کا اعلان

پاکستان ٹیلی کمیونیکیشن اتھارٹی (PTA) نے بیرون ملک مقیم پاکستانیوں کے لیے بڑی سہولت متعارف کرائی ہے۔ اب اوورسیز پاکستانی اپنے موبائل فونز کو بلاک ہونے کے بغیر استعمال کر سکیں گے اور بیرون ملک قیام کے دوران موبائل سروس میں تسلسل برقرار رہے گا۔

پی ٹی اے کے مطابق اس فیصلے کا مقصد بیرون ملک مقیم پاکستانیوں کے لیے پاکستان سے رابطہ برقرار رکھنا آسان بنانا ہے۔ اس سہولت سے فائدہ اٹھانے کے لیے متعلقہ موبائل کمپنی سے رابطہ ضروری ہوگا۔

اس اقدام سے اوورسیز پاکستانی اپنے اہل خانہ، کاروبار اور دیگر اہم رابطوں کے لیے بلا تعطل موبائل سروس استعمال کر سکیں گے، جس سے مواصلاتی مسائل کم ہوں گے۔