ہانگ کانگ سپر سکسز: پاکستان نے جنوبی افریقہ کو شکست دے کر سیمی فائنل میں جگہ بنالی

ہانگ کانگ سپر سکسز کے کوارٹر فائنل میں پاکستان نے شاندار کھیل کا مظاہرہ کرتے ہوئے جنوبی افریقہ کو شکست دے کر سیمی فائنل میں جگہ بنالی۔

کوارٹر فائنل میں جنوبی افریقہ نے پہلے بیٹنگ کرتے ہوئے 3 وکٹوں کے نقصان پر 102 رنز بنائے۔ باب سیمسن نے 26 اور کونین گام نے 29 رنز کی اننگز کھیلی۔ پاکستان کی جانب سے محمد شہزاد سب سے کامیاب بولر رہے، جنہوں نے 3 کھلاڑیوں کو پویلین کی راہ دکھائی۔

جواب میں پاکستان نے ایک وکٹ کے نقصان پر ہدف باآسانی حاصل کرلیا۔ عبدالصمد نے صرف 10 گیندوں پر 50 رنز کی دھواں دار اننگز کھیلی، جس میں 8 چھکے شامل تھے، جبکہ خواجہ نافع نے 36 رنز کی شاندار اننگز کھیل کر ٹیم کی کامیابی میں اہم کردار ادا کیا۔

پاکستان کی یہ فتح ٹیم کے لیے حوصلہ افزا ثابت ہوئی ہے، اور اب قومی ٹیم سیمی فائنل میں اپنی مہم جاری رکھے گی۔