پاکستان بھر میں 15 جنوری کو انٹرنیٹ سروس متاثر ہونے کا امکان

پاکستان بھر کے انٹرنیٹ صارفین کو 15 جنوری کو ممکنہ سروس تعطل اور سست رفتار انٹرنیٹ کا سامنا ہو سکتا ہے۔ نیا ٹیل کے مطابق یہ مرمتی کارروائی دوپہر تقریباً 2 بجے شروع ہوگی اور 8 گھنٹے تک جاری رہ سکتی ہے۔

کمپنی نے بتایا کہ مرمت ایک بین الاقوامی سب میرین کیبل پر کی جا رہی ہے، جو پاکستان کے بین الاقوامی ڈیٹا ٹریفک کے لیے اہم ہے۔ اس دوران براؤزنگ، سٹریمنگ اور دیگر آن لائن خدمات متاثر ہو سکتی ہیں۔ صارفین کو مشورہ دیا گیا ہے کہ وہ اہم آن لائن سرگرمیوں کی پیشگی منصوبہ بندی کریں۔

یاد رہے کہ یکم جنوری کو بھی ملک بھر میں انٹرنیٹ سست روی اور تعطل کے مسائل دیکھنے میں آئے تھے۔