آئی سی سی نے ٹی 20 اور ون ڈے ٹیموں کی تازہ رینکنگ جاری کردی

دبئی: انٹرنیشنل کرکٹ کونسل (آئی سی سی) نے ٹی 20 اور ون ڈے کرکٹ ٹیموں کی نئی رینکنگ جاری کر دی ہے۔

ٹی 20 رینکنگ میں بھارتی ٹیم پہلے نمبر پر براجمان ہے، جبکہ آسٹریلیا دوسرے اور انگلینڈ تیسرے نمبر پر ہیں۔ پاکستان کی ٹیم ٹی 20 میں 7ویں نمبر پر موجود ہے۔ نیوزی لینڈ، جنوبی افریقا اور ویسٹ انڈیز بالترتیب چوتھے، پانچویں اور چھٹے نمبر پر ہیں، جب کہ سری لنکا آٹھواں، بنگلہ دیش اور افغانستان نویں اور دسویں نمبر پر ہیں۔

ون ڈے رینکنگ میں بھی بھارت پہلے نمبر پر ہے، نیوزی لینڈ دوسرے اور آسٹریلیا تیسرے نمبر پر ہیں۔ پاکستان کی ٹیم ون ڈے میں چوتھے نمبر پر ہے، سری لنکا پانچویں اور جنوبی افریقا چھٹے نمبر پر ہیں۔ افغانستان، انگلینڈ، ویسٹ انڈیز اور بنگلہ دیش بالترتیب 7ویں سے 10ویں نمبر پر موجود ہیں۔