انسٹاگرام پر 17.5 ملین صارفین کا ڈیٹا لیک ہونے کا خدشہ، پاس ورڈ تبدیلی کی ہدایات جاری

غیر ملکی خبر رساں ایجنسی کے مطابق دنیا بھر میں انسٹاگرام صارفین کے ذاتی ڈیٹا کے لیک ہونے کے خدشات پیدا ہو گئے ہیں، جس کے نتیجے میں تقریباً 1.75 کروڑ اکاؤنٹس متاثر ہو سکتے ہیں۔

سائبر سیکیورٹی کمپنی میلویئربائٹس کی رپورٹ کے مطابق لیک ہونے والے ڈیٹا میں صارفین کے یوزرنیم، ای میل ایڈریسز، فون نمبرز، رہائشی پتے اور دیگر حساس معلومات شامل ہیں۔ کمپنی نے بتایا کہ یہ معلومات ڈارک ویب کی مانیٹرنگ کے دوران سامنے آئیں۔

انسٹاگرام صارفین کو ممکنہ غلط استعمال سے بچانے کے لیے اپنی پاس ورڈز کو فوری ری سیٹ کرنے کی ہدایت دی گئی ہے۔ رپورٹ میں کہا گیا ہے کہ گزشتہ ہفتے متعدد صارفین نے غیر متوقع طور پر پاس ورڈ ری سیٹ اور ای میل نوٹیفیکیشنز موصول ہونے کی شکایت کی تھی، جس کے بعد ڈیٹا لیک کے خدشات مزید بڑھ گئے ہیں۔