محکمہ موسمیات نے شعبان المعظم کے چاند کی پیشگوئی کر دی

محکمہ موسمیات کے مطابق یکم شعبان المعظم 1447 ہجری 21 جنوری 2026 بروز بدھ متوقع ہے۔ شعبان کا چاند 19 جنوری کو رات 12 بج کر 52 منٹ پر پیدا ہوگا تاہم اسی شام کراچی سمیت ملک کے کسی حصے میں چاند نظر آنے کا امکان نہیں۔ محکمہ موسمیات کا کہنا ہے کہ غروبِ آفتاب کے وقت چاند کی عمر تقریباً 17 سے 18 گھنٹے ہوگی، جبکہ رویت کے لیے کم از کم 19 گھنٹے سے زائد عمر ضروری ہوتی ہے۔ مزید بتایا گیا کہ 29 رجب کو بھی چاند نظر آنے کے امکانات نہیں، اس حوالے سے تفصیلی رپورٹ مرکزی رویت ہلال کمیٹی کو ارسال کر دی گئی ہے، حتمی فیصلہ کمیٹی کرے گی۔