ملک میں فائیو جی صارفین کی تعداد میں اضافہ

پاکستان میں فائیو جی (5G) ٹیکنالوجی کا استعمال تیزی سے فروغ پا رہا ہے اور ملک میں فائیو جی صارفین کی مجموعی تعداد 10 لاکھ 78 ہزار 534 تک پہنچ گئی ہے۔ پاکستان ٹیلی کمیونیکیشن اتھارٹی (PTA) کی جانب سے جاری کردہ دستاویزات کے مطابق صرف 4 ماہ کے قلیل عرصے کے دوران 8 لاکھ 79 ہزار نئے صارفین فائیو جی نیٹ ورک سے منسلک ہوئے۔ رپورٹ میں بتایا گیا کہ مارچ 2026 میں صارفین کی تعداد 71 ہزار تھی جو اپریل میں بڑھ کر 2 لاکھ 98 ہزار، مئی میں 5 لاکھ 16 ہزار اور جون کے اختتام تک 9 لاکھ 65 ہزار سے تجاوز کر گئی تھی، جس کے بعد 6 جولائی 2026 تک اس میں ریکارڈ اضافہ دیکھنے میں آیا ہے۔