4 کروڑ 80 لاکھ جی میل صارفین کے یوزرنیم اور پاس ورڈز لیک ہو گئے

سائبر سیکیورٹی ریسرچرز نے انکشاف کیا ہے کہ تقریباً 4 کروڑ 80 لاکھ جی میل صارفین کے یوزرنیم اور پاس ورڈز پر مشتمل ڈیٹا لیک ہوا ہے۔
اس ڈیٹا بیس میں 96 جی بی خام لاگ ان کریڈنشل ڈیٹا موجود تھا جو نہ تو پاس ورڈ سے محفوظ تھا اور نہ ہی انکرپٹڈ۔ تحقیق میں بتایا گیا ہے کہ یہ معلومات مختلف پرانے ڈیٹا لیکس اور انفوسٹیلر میل ویئر کے ذریعے جمع کی گئی ہیں، نہ کہ کسی نئی ہیکنگ کے نتیجے میں۔
ماہرین کا کہنا ہے کہ یہ ڈیٹا سائبر مجرموں کے لیے انتہائی قیمتی ہے اور کریڈنشل اسٹیفنگ جیسے حملوں میں استعمال ہو سکتا ہے۔ گوگل نے تصدیق کی کہ یہ معلومات انفوسٹیلر لاگز پر مبنی ہیں اور متاثرہ اکاؤنٹس کو لاک کرکے صارفین سے پاس ورڈ ری سیٹ کروایا جا رہا ہے۔