ممتاز شاعر صوفی غلام مصطفیٰ تبسم کو مداحوں سے بچھڑے 48 برس بیت گئے

لاہور: بچوں کے لئے اپنی تخلیقات کے لیے بے حد مقبول شاعر صوفی غلام مصطفیٰ تبسم کو مداحوں سے بچھڑے 48 برس بیت گئے۔

صوفی غلام مصطفی تبسم 4 اگست 1899ء کو امرتسر میں پیدا ہوئے۔ بچوں کے ادب میں ان کا سب سے نمایاں کردار “ٹوٹ بٹوٹ” ہے، جو آج بھی بچوں کے دلوں پر نقش ہے۔اعلیٰ تعلیم کے حصول کے بعد انہوں نے تدریس کا پیشہ اپنایا اور لاہور کے مختلف تعلیمی اداروں سے وابستہ رہے۔ ریٹائرمنٹ کے بعد وہ خانہ فرہنگ ایران کے ڈائریکٹر، لیل و نہار کے مدیر اور دیگر کئی اداروں میں اعلیٰ عہدوں پر فائز رہے۔صوفی غلام مصطفیٰ تبسم نے اپنی نظموں کے ذریعے بچوں کو علم و عمل کی طرف راغب کیا اور ادب میں نمایاں خدمات انجام دیں۔ حکومت پاکستان نے انہیں صدارتی تمغہ برائے حسن کارکردگی اور ستارہ امتیاز سے نوازا، جبکہ ایرانی حکومت نے انہیں نشانِ سپاس عطا کیا۔اردو ادب کا یہ روشن ستارہ 7 فروری 1978 کو وفات پا گئے اور وہ لاہور کے میانی صاحب قبرستان میں آسودہ خاک ہیں۔