معروف اداکار و کامیڈین نرالا کو دنیا سے رخصت ہوئے 35 برس بیت گئے

پاکستان فلم انڈسٹری کے معروف اداکار کامیڈین نرالا کو دنیا سے رخصت ہوئے 35 برس بیت گئے۔

1937ء میں پیدا ہونے والے معروف کامیڈین نرالا کا اصل نام سید مظفر حسین زیدی تھا، انہوں نے نرالا کے نام سے فلم انڈسٹری میں قدم رکھا، نرالا نے سو سے زائد فلموں میں اداکاری کے جوہر دکھائے اور مزاحیہ کرداروں سے خوب شہرت کمائی۔نرالا کی کامیاب ترین فلموں میں سپیرن، مسٹر ایکس، شرارت، چھوٹی بہن، ہیرا اور پتھر، ارمان، احسان، دوراہا، زمین کا چاند، انسان اور گدھا، جہاں تم وہاں ہم اور نصیب اپنا اپنا شامل ہیں۔اداکار نرالا کو سب سے زیادہ شہرت فلم ارمان سے ملی جس میں ان کے مزاحیہ کردار کو بے حد سراہا گیا، ان کی آخری فلم چوروں کا بادشاہ تھی، 9 دسمبر 1990ء کو معروف کامیڈین نرالا مختصر علالت کے بعد خالق حقیقی سے جا ملے۔