معروف اداکارہ خالدہ ریاست کو دنیا چھوڑے 30 برس بیت گئے

پاکستان ٹیلی ویژن (پی ٹی وی) کی سدا بہار اور معروف اداکارہ خالدہ ریاست کی آج 30 ویں برسی منائی جا رہی ہے۔ 1 جنوری 1953ء کو کراچی میں پیدا ہونے والی خالدہ ریاست نے 70 کی دہائی میں ڈرامہ سیریل ’نامدار‘ سے اپنے فنی سفر کا آغاز کیا، جبکہ ڈرامہ ’بندش‘ نے انہیں شہرت کی بلندیوں پر پہنچا دیا۔ انہوں نے ’پناہ‘، ’دشتِ تنہائی‘، ’اب تم جا سکتے ہو‘، ’ہاف پلیٹ‘ اور ’پڑوسی‘ جیسے یادگار ڈراموں اور ٹیلی فلموں میں اپنی ورسٹائل اور بے مثال اداکاری کا لوہا منوایا۔ سنجیدہ اور مزاحیہ ہر طرح کے کرداروں میں حقیقت کا رنگ بھرنے والی یہ باصلاحیت فنکارہ 26 اگست 1996ء کو اس فانی دنیا سے کوچ کر گئی تھیں، تاہم وہ اپنی لازوال فنکاری کے باعث آج بھی مداحوں کے دلوں میں زندہ ہیں۔