پاکستان کے نامور اداکار جمشید انصاری کی آج 21ویں برسی منائی جا رہی ہے

اپنے منفرد اندازِ بیاں اور لازوال صلاحیتوں سے دہائیوں تک مداحوں کے دلوں پر راج کرنے والے پاکستان کے نامور اداکار جمشید انصاری کی 21ویں برسی آج منائی جا رہی ہے۔ 31 دسمبر 1942ء کو سہارنپور میں پیدا ہونے والے جمشید انصاری نے ریڈیو، ٹیلی ویژن اور ڈراما اسٹیج پر اپنی اداکاری کے انمٹ نقوش چھوڑے۔ پی ٹی وی کے یادگار ڈراموں جیسے کرن کہانی، ان کہی، تعبیر اور خدا کی بستی میں ان کے کرداروں کو بے حد سراہا گیا۔ ڈراما انڈسٹری کو متعدد لازوال کردار دینے کے بعد جمشید انصاری 24 اگست 2005ء کو کراچی میں اس فانی دنیا سے کوچ کر گئے تھے، تاہم ان کی فنکارانہ خدمات کو شائقینِ فن کی جانب سے ہمیشہ یاد رکھا جائے گا۔