لاہور الحمرا آرٹس کونسل میں فیض فیسٹیول کا آج دوسرا روز

دسویں فیض فیسٹیول کے دوسرے روز علم و ادب، فنونِ لطیفہ اور ثقافتی سرگرمیوں کا سلسلہ جاری ہے۔

فیسٹیول میں طلبہ، ادیب، شاعر، اداکار، صحافی اور فیملیز بڑی تعداد میں شریک ہیں جبکہ ملکی مندوبین بھی فیسٹیول میں شرکت کریں گے دوسرے روز کے دوران 20 سے زائد سیشنز منعقد کیے جائیں گے اور فیسٹیول میں بک سٹالز کا اہتمام بھی کیا گیا ہے۔ پروگرام کا آغاز ثقافتی پرفارمنس سے کیا جائے گا۔مختلف سیشنز میں معروف دانشور، صحافی اور مصنفین مختلف موضوعات پر مکالمے کریں گے، جن میں سیاست میں سوشل میڈیا کے کردار، خواتین کی کامیابیاں، پنجاب کی سیاست، فلسطین کی صورتحال، نئی صحافتی ٹیکنالوجی اور سماجی مسائل شامل ہیں۔فیسٹیول میں جیولری، دستکاری اور کھانے پینے کے سٹالز کا بھی اہتمام کیا گیا ہے تاکہ شائقین کو متنوع ثقافتی تجربہ فراہم کیا جا سکے۔