کوئٹہ :سیکیورٹی خدشات،موبائل انٹرنیٹ سروس 24 گھنٹوں کے لیے معطل

امن و امان کی صورتحال کے پیش نظر کوئٹہ میں موبائل انٹرنیٹ سروس 24 گھنٹوں کے لیے معطل کر دی گئی ہے۔
محکمہ داخلہ بلوچستان کی سفارش پر جاری نوٹیفکیشن کے مطابق موبائل انٹرنیٹ ڈیٹا سروس آج رات 12 بجے تک بند رہے گی۔ حکام کے مطابق یہ اقدام سیکیورٹی انتظامات کو مزید مؤثر بنانے اور ممکنہ ناخوشگوار واقعات کی روک تھام کے لیے اٹھایا گیا ہے۔
نوٹیفکیشن میں واضح کیا گیا ہے کہ انٹرنیٹ سروس کی معطلی کا اطلاق پورے ضلع کوئٹہ میں ہوگا، جبکہ حالات بہتر ہونے پر سروس بحال کر دی جائے گی