بیٹے کی پیدائش کی افواہیں ختم، نصیبو لعل دادی بن گئیں

پاکستان کی معروف گلوکارہ نصیبو لعل نے دادی بننے کی خوشخبری سنا کر مداحوں کو حیران کر دیا۔
گزشتہ کچھ دنوں سے سوشل میڈیا پر خبریں گردش کر رہی تھیں کہ 56 سالہ نصیبو لعل کے ہاں بیٹے کی پیدائش ہوئی ہے۔ ان افواہوں کو اس وقت مزید تقویت ملی جب گلوکارہ کی شوہر اور نومولود کے ساتھ ایک تصویر وائرل ہوئی، جس میں وہ سرخ لباس میں بچے کو خوشی سے دیکھتی نظر آئیں۔
تاہم نصیبو لعل نے اب ان تمام افواہوں کی تردید کرتے ہوئے اصل حقیقت سامنے لادی۔ فیس بک پر جاری ایک پوسٹ میں انہوں نے اللہ کا شکر ادا کرتے ہوئے اعلان کیا کہ وہ دادی بن گئی ہیں۔
اس سے قبل گلوکارہ نے اپنے پوتے کی تصویر بھی مداحوں سے شیئر کی تھی اور بچے کے لیے خوبصورت نام تجویز کرنے کی درخواست کی تھی۔
اسی دوران سوشل میڈیا پر ایک ویڈیو بھی وائرل ہو رہی ہے جس میں نصیبو لعل اسپتال میں اپنے مشہور گانے “کدی تے ہنس بول وے” گا رہی ہیں۔ بتایا جا رہا ہے کہ انہوں نے یہ گانا اپنے پوتے کی پیدائش کی خوشی میں اسپتال کے عملے کے لیے گایا۔