بھارتی اداکارہ زریں خان کی والدہ انتقال کرگئیں

بالی ووڈ اداکارہ زریں خان کی والدہ پروین خان 65 سال کی عمر میں طویل علالت کے بعد ممبئی میں انتقال کر گئی ہیں۔ بھارتی میڈیا رپورٹس کے مطابق، مرحومہ گزشتہ کافی عرصے سے مختلف طبی پیچیدگیوں کا شکار تھیں اور طبیعت بگڑنے کے باعث ان کے اعضا نے کام کرنا بند کر دیا تھا، جو ان کی وفات کا سبب بنا۔ اداکارہ کی ٹیم کی جانب سے جاری کردہ بیان میں تصدیق کی گئی ہے کہ پروین خان 8 اپریل 2026 کو اپنے خالقِ حقیقی سے جا ملیں۔

مرحومہ کی نمازِ جنازہ ورسووا، ممبئی میں ادا کی گئی، جس میں شوبز شخصیات، قریبی رشتہ داروں اور عزیز و اقارب نے شرکت کی۔ واضح رہے کہ زریں خان اپنی والدہ سے انتہائی گہری وابستگی رکھتی تھیں اور حالیہ دنوں میں انہوں نے سوشل میڈیا کے ذریعے مداحوں سے ان کی صحت یابی کے لیے دعاؤں کی اپیل بھی کی تھی۔ اس دکھ کی گھڑی میں زریں خان نے مداحوں اور خیر خواہوں کی جانب سے ملنے والی تعزیتی پیغامات اور نیک تمناؤں پر شکریہ ادا کیا ہے۔ ان کے مداحوں اور ساتھی اداکاروں کی جانب سے اس عظیم نقصان پر گہرے رنج و غم کا اظہار کیا جا رہا ہے۔