محمد احمد کے بعد زینب راجہ نے بھی فہد شیخ پر نامناسب رویے کا الزام لگادیا

سینئر اداکار اور مصنف سید محمد احمد کے ساتھ پیش آنے والے واقعے کے بعد شوبز انڈسٹری میں فہد شیخ کے رویے پر تنقید کا سلسلہ شدت اختیار کر گیا ہے۔ اب اداکارہ زینب راجہ نے بھی اپنے ایک وائرل سوشل میڈیا تبصرے میں فہد شیخ کے ساتھ کام کرنے کے تجربے کو ناگوار قرار دیتے ہوئے انکشاف کیا ہے کہ ڈرامے کی شوٹنگ کے دوران ان کا رویہ اکثر ساتھی فنکاروں کے لیے بے چینی پیدا کر دیتا تھا۔ زینب راجہ کا کہنا تھا کہ فہد شیخ مذاق کے نام پر ایسی گفتگو یا حرکات کرتے تھے جن سے دوسرے لوگ غیر آرام دہ محسوس کرتے۔ انہوں نے سید محمد احمد جیسے باوقار اور شائستہ فنکار کی تذلیل پر گہرے افسوس کا اظہار کرتے ہوئے واقعے کو شرمناک قرار دیا اور کہا کہ وہ والدین کی عمر کے سینئر فنکار کے ساتھ اس طرح کے سلوک کا تصور بھی نہیں کر سکتیں۔