رجب بٹ نے سلمان خان سے موازنے کی باتوں پر خاموشی توڑ دی

معروف یوٹیوبر رجب بٹ نے ایک نجی پوڈ کاسٹ میں گفتگو کرتے ہوئے سلمان خان سے اپنے موازنے کی خبروں کو مسترد کر دیا ہے۔ رجب بٹ کا کہنا ہے کہ سلمان خان کا ایک الگ اور بڑا مقام ہے جس کے لیے انہوں نے پوری زندگی وقف کی ہے، لہٰذا ان کا مجھ سے کوئی مقابلہ نہیں بنتا۔ انہوں نے واضح کیا کہ مداحوں کی جانب ہاتھ ہلانے پر انہیں ٹرول کیا گیا کہ وہ سلمان خان بننے کی کوشش کر رہے ہیں، جبکہ وہ صرف اپنے چاہنے والوں کی محبت کا جواب دے رہے تھے۔ رجب بٹ نے اعتراف کیا کہ بچپن میں وہ سلمان خان سے متاثر ضرور تھے اور نویں جماعت میں ان کی نقل میں کان بھی چھدوائے تھے، لیکن اب وہ ایسی کسی غلط فہمی میں مبتلا نہیں ہیں۔