LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

واشنگٹن ڈی سی میں “ونٹرنیشنل” تقریب،پاکستانی ثقافت کے رنگ مرکزِ نگاہ

Web Desk

11 December 2025

امریکہ کے دارالحکومت میں سالانہ “ونٹرنیشنل” تقریب کا شاندار انعقاد کیا گیا، جس میں تقریباً ستر کے لگ بھگ سفارتخانوں نے شرکت کی۔ دنیا بھر سے آنے والے نمائندگان، امریکی شہریوں اور مختلف اقوام کے لوگوں کی بڑی تعداد نے اس بین الاقوامی ثقافتی ایونٹ میں شرکت کی۔ اس موقع پر پاکستانی ثقافت کے دلکش رنگ نمایاں دکھائی دیے، جہاں پاکستان کا خصوصی بوتھ شرکاء کی توجہ کا مرکز بنا رہا۔

پاکستانی بوتھ میں ملکی ثقافت، آرٹ، روایتی فنون، جواہرات اور مقامی کھانوں کی خوبصورت نمائش کی گئی، جبکہ مہمانوں کی پاکستانی چائے اور روایتی پکوانوں سے تواضع کی گئی۔ پاکستانی آرٹ کے نمونے، بیش قیمت پتھر اور جواہرات غیر ملکی شرکاء کی خصوصی دلچسپی کا باعث بنے۔

امریکہ میں سفیر پاکستان رضوان سعید شیخ نے “ونٹرنیشنل” تقریب میں خصوصی شرکت کی اور پاکستان کے ثقافتی ورثے اور تنوع پر روشنی ڈالی۔ انہوں نے اس موقع پر کہا کہ پاکستان عظیم ثقافتی ورثے کا امین ہے، اور ہماری ثقافت اپنی دل انگیز خوبصورتی اور حیرت انگیز تنوع کے باعث ایک منفرد پہچان رکھتی ہے۔ ان کا کہنا تھا کہ پاکستانی ثقافت کے شاہکار ہماری تاریخ، معاشرتی روایات اور فطرت سے جڑے رشتے کی بھرپور ترجمانی کرتے ہیں۔

سفیر پاکستان نے پاکستانی بوتھ کی کامیابی میں حصہ ڈالنے والی پاکستانی سفارتخانے کی ٹیم اور دیگر منتظمین کی کاوشوں کو سراہا۔ انہوں نے مختلف ملکوں کے اسٹالز کا دورہ بھی کیا اور منتظمین سے غیر رسمی گفتگو کی۔ رضوان سعید شیخ نے “ونٹرنیشنل” جیسے ایونٹس کو عالمی ثقافتوں کو روشناس کرانے اور اقوام کو ایک دوسرے کے قریب لانے میں اہم قرار دیا۔