وائٹ ہاؤس کا ایران کو وارننگ: صدر ٹرمپ کے پاس سفارتکاری کے علاوہ بھی آپشنز موجود ہیں

واشنگٹن: وائٹ ہاؤس نے ایران کو خبردار کیا ہے کہ امریکی صدر ڈونلڈ ٹرمپ کے پاس سفارتکاری کے علاوہ بھی متعدد آپشنز موجود ہیں۔ پریس سیکرٹری کیرولین لیوٹ نے پریس بریفنگ میں کہا کہ صدر ٹرمپ ایران کے معاملے میں اپنے مطالبات کے حوالے سے بالکل واضح ہیں اور دیکھنا چاہتے ہیں کہ آیا ایران کے ساتھ کوئی معاہدہ ممکن ہے یا نہیں۔کیرولین لیوٹ نے ایرانی قیادت کو پیغام دیا کہ صدر ٹرمپ دنیا کی تاریخ کی سب سے طاقتور فوج کے کمانڈر انچیف ہیں اور وہ اپنے اختیارات کا استعمال کر سکتے ہیں۔ ان کے مطابق، امریکا ایران کے معاملے میں سفارتکاری کے علاوہ دیگر ممکنہ اقدامات پر بھی غور کر رہا ہے۔