ٹرمپ انتظامیہ نے غیر امریکی شہریوں کو ووٹر لسٹ سے نکالنے کیلئے ڈیموکریٹس سے مدد مانگ لی
Web Desk
6 February 2026
واشنگٹن: ترجمان وائٹ ہاؤس کیرولائن لیوٹ نے اعلان کیا ہے کہ سیف امریکا ایکٹ کے تحت غیر امریکی شہریوں کو ووٹر لسٹ سے نکالا جائے گا، جبکہ غیر قانونی تارکین وطن کے خلاف سخت اقدامات جاری رہیں گے۔
پریس کانفرنس کے دوران کیرولائن لیوٹ نے کہا کہ حکومت نے جرائم میں ملوث غیر قانونی تارکین وطن کی تفصیلات جاری کی ہیں اور ملک کی سرحدوں کو محفوظ بنانے کے لیے محکمہ ہوم لینڈ سکیورٹی (ڈی ایچ ایس)، امیگریشن فورس اور بارڈر پٹرول مسلسل کام کر رہے ہیں۔
غیر قانونی تارکین وطن کے خلاف سخت مؤقف
انہوں نے دعویٰ کیا کہ گزشتہ مہینوں میں کوئی بھی شخص امریکا میں غیر قانونی طور پر داخل نہیں ہوا۔ ترجمان کے مطابق رواں ہفتے چار امریکی شہری غیر قانونی تارکین وطن کے ہاتھوں ہلاک ہوئے، جس کے بعد حکومت نے تمام غیر قانونی غیر ملکیوں کو ملک سے نکالنے کے عزم کا اعادہ کیا ہے۔
کیرولائن لیوٹ نے ڈیموکریٹ پارٹی سے مطالبہ کیا کہ وہ سیف امریکا ایکٹ کی حمایت کرے تاکہ انتخابی عمل کو شفاف بنایا جا سکے۔
ٹرمپ کی سفارتکاری پر زور
پریس کانفرنس کے دوران انہوں نے صدر ڈونلڈ ٹرمپ کا بیان بھی پڑھ کر سنایا، جس میں ایک بار پھر پاک۔بھارت جنگ بندی کا ذکر کیا گیا۔ ترجمان کا کہنا تھا کہ ہر معاملے میں سفارتکاری صدر ٹرمپ کی اولین ترجیح ہے، تاہم غیر قانونی تارکین وطن کے معاملے پر حکومت کا مؤقف سخت رہے گا۔
مقامی سیاست اور فنڈنگ پر مذاکرات
کیرولائن لیوٹ کے مطابق مینی سوٹا میں حالات مقامی حکومت کے عدم تعاون کے باعث خراب ہوئے، جبکہ ڈیموکریٹ پارٹی ٹرمپ مخالف ایجنڈے پر کام کر رہی ہے۔ انہوں نے کہا کہ صدر ٹرمپ ملک بھر میں جاری مقامی انتخابات پر گہری نظر رکھے ہوئے ہیں۔
انہوں نے مزید بتایا کہ ہوم لینڈ سکیورٹی اور امیگریشن فورس کی فنڈنگ کے معاملے پر ڈیموکریٹس سے مذاکرات جاری ہیں، جبکہ ہارورڈ یونیورسٹی کے ساتھ بھی کسی ممکنہ معاہدے کے لیے بات چیت ہو رہی ہے۔ ان کے مطابق ہارورڈ کیمپس پر غیر قانونی سرگرمیوں کی اطلاعات موصول ہوتی رہی ہیں۔
متعلقہ عنوانات
اماراتی صدر سے امریکی وزیر داخلہ کی ملاقات، دوطرفہ تعلقات و علاقائی صورتحال پر تبادلہ خیال
22 November 2026
امریکا اور کینیڈا کی افواج کے درمیان تعاون محدود کرنے کا مبینہ خفیہ میمو سامنے آگیا
22 November 2026
ٹرمپ کا یورپی ممالک کو یوکرین جنگ پر اخراجات کم کرنے کا مشورہ
22 November 2026
امریکہ نے ایران کا ایف 16 طیارے کو نشانہ بنانے کا دعویٰ مسترد کر دیا
22 November 2026
امریکی تحقیقاتی ادارے ایف بی آئی کے کرائم انفارمیشن سینٹر کا ڈیٹا بیس ہیک ہو گیا
22 November 2026
ٹرمپ کا ایران کے ساتھ مستقل جوہری معاہدہ کرنے کا اعلان
21 November 2026
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
21 November 2026
امریکی ایف بی آئی کا حساس جرائم کا ڈیٹا بیس ہیک کرلیا گیا
21 November 2026