ٹی ٹوئنٹی ورلڈکپ 2026کےلیے قومی کرکٹ ٹیم کی کٹ کی رونمائی

پاکستان کرکٹ ٹیم کی ٹی20 ورلڈکپ کیلئے آفیشل کٹ کی رونمائی کر دی گئی۔ اس موقع پرلاہورکے قذافی اسٹیڈیم میں چیئرمین پی سی بی محسن نقوی بھی موجودتھے۔

انہوں نے قومی کرکٹ ٹیم کے لیے نیک تمناؤں کا اظہار کرتے ہوئے کہا کہ انہیں امید ہے قومی ٹیم ورلڈکپ ٹرافی جیت کر پاکستان واپس آئے گی۔ قومی ٹیم اس وقت اچھے فارم میں ہے اور ورلڈ کپ میں بہتر کارکردگی دکھائے گی۔

آفیشل کٹ کی رونمائی کی تقریب میں قومی ٹیم کے کپتان سلمان علی آغا، بابر اعظم اور شاہین شاہ آفریدی شریک ہوئے۔ جبکہ نسیم شاہ، ابرار احمد اور فہیم اشرف بھی موجودتھے۔

ٹی20 ورلڈ کپ کے لیے قومی ٹیم کی آفیشل کٹ کو”مارخور ایڈیشن” کا نام دیا گیا۔ جس میں پاکستان کے قومی جانور مارخور کو نمایاں طور پر پیش کیا گیا ہے۔

آفیشل ورلڈ کپ کٹ روایتی اور ہلکے سبز رنگ پر مشتمل ہے۔ جو قومی تشخص اور جذبے کی عکاسی کرتی ہے۔