دانش تیمور میں غرور آگیا ہے، انسان کو اپنا کل یاد رکھنا چاہیے: عظمیٰ طاہر

اداکارہ عظمیٰ طاہر نے اپنے انٹرویو میں انڈسٹری کے سینئر اداکاروں کے رویوں اور سیٹ پر موجود عملے کے ساتھ ہونے والے سلوک پر کھل کر بات کی۔ انہوں نے انکشاف کیا کہ ماضی میں سینئرز اپنے برابر کسی کو بیٹھنے تک نہیں دیتے تھے اور آج بھی کھانے پینے کے معاملات میں تفریق برتی جاتی ہے۔ دانش تیمور کے حوالے سے بات کرتے ہوئے اداکارہ نے کہا کہ انہیں محسوس ہوتا ہے کہ دانش تیمور میں اب “میں” (غرور) آ گئی ہے۔ انہوں نے یاد دلایا کہ جب دانش اس فیلڈ میں آئے تھے تو ان کے حالات ایسے نہیں تھے اور وہ بسوں میں سفر کر کے شوز پر آتے تھے، لہذا انسان کو اپنا ماضی یاد رکھنا چاہیے اور ساتھیوں سے اچھے اخلاق سے ملنا چاہیے۔