امریکی جنگی طیارے گرین لینڈ کے لیے روانہ، نوراڈ نے بیان جاری کر دیا

امریکا کے جنگی طیاروں نے گرین لینڈ کے لیے پرواز کر دی ہے۔ امریکی اور کینیڈین دفاعی ادارے نوراڈ نے سوشل میڈیا پر جاری بیان میں کہا کہ طیارے جلد گرین لینڈ میں قائم امریکی فوجی اڈے پر پہنچ جائیں گے۔

نوراڈ کے مطابق گرین لینڈ کی حکومت کو منصوبہ بندی سے آگاہ کر دیا گیا ہے اور امریکی فورسز کو ضروری سفارتی اجازت نامے حاصل ہیں۔ طیاروں کی نئی کھیپ پہنچانے میں ڈنمارک حکومت کے ساتھ مکمل ہم آہنگی برقرار ہے۔

یہ اقدام شمالی امریکا اور آرکٹک خطے میں دفاعی تیاریوں اور فوجی موجودگی کو مستحکم کرنے کے لیے کیا جا رہا ہے۔