امریکا کی ایران میں حکومت مخالف عناصر کی خفیہ مدد،اسٹارلنک ٹرمینلز اسمگل کرنے کا دعویٰ

امریکا نے ایران میں حکومت مخالف عناصر کی خفیہ طور پر مدد کی تھی،،امریکی میڈیا نے دعویٰ کیا ہےکہ ایران میں مظاہرین پر کریک ڈاؤن کے بعد امریکا نے اسٹارلنک کے ہزاروں ٹرمینلز ایران میں اسمگل کیے تھے۔امریکی میڈیا کے مطابق ٹرمپ انتظامیہ نے ایران میں بغاوت پر لوگوں کو اکسانے میں ملوث ہونے کی تردید کی ہے مگر شواہد سے واضح ہے کہ ٹرمپ انتظامیہ نے ایران میں حکومت مخالف عناصر کے اقدامات کی خفیہ طور پر مدد کی تھی۔رپورٹ کےمطابق ٹرمپ انتظامیہ نے 6 ہزار اسٹارلنک ٹر مینلز پچھلے ماہ ایران اسمگل کیے تھے تاکہ حکومت مخالف عناصر انٹرنیٹ پر رابطہ رکھ سکیں۔امریکی محکمہ خارجہ نے اسٹارلنک کے 7 ہزار ٹرمینل خریدے تھے اور اس کےلیے فنڈز وی پی این سے اسٹارلنک کو منتقل کیے گئے تھے جس پر محکمہ میں بحث بھی ہوئی تھی۔بعض اہلکاروں کا خیال تھا کہ اسٹارلنک سے زیادہ بہتر وی پی این ہوں گے۔ایلون مسک کی کمپنی اسٹار لنک کے ٹرمینل ایران میں استعمال کرنا غیرقانونی عمل ہے اور اس کے استعمال پر کئی سال قید کی سزا کا سامنا ہوسکتا ہے۔