امریکی صدر ٹرمپ نے خود کو وینزویلا کا قائم مقام صدر ڈکلیئر کردیا

امریکی صدر ڈونلڈ ٹرمپ نے خود کو وینزویلا کا قائم مقام صدر قرار دے دیا ہے۔ امریکی صدر نے سوشل میڈیا پلیٹ فارم ’’ٹرتھ سوشل‘‘ پر ایک تصویر شیئر کی جس میں وہ خود کو وینزویلا کے عبوری صدر کے طور پر پیش کرتے دکھائی دیتے ہیں۔

ٹرمپ کی جانب سے جاری بیان کے مطابق جنوری 2026 سے وہ وینزویلا کے قائم مقام صدر کی حیثیت سے خدمات انجام دے رہے ہیں، جبکہ جے ڈی وینس کو وینزویلا کا قائم مقام نائب صدر ظاہر کیا گیا ہے۔

واضح رہے کہ امریکہ نے 3 جنوری کو وینزویلا میں فوجی کارروائی کی تھی جس کے دوران صدر نکولس مادورو اور ان کی اہلیہ سیلیا فلوریس کو گرفتار کر کے امریکہ منتقل کیا گیا تھا، جہاں انہیں امریکی عدالت میں پیش کیا گیا۔ ٹرمپ کے حالیہ اعلان کو عالمی سطح پر غیر معمولی پیش رفت قرار دیا جا رہا ہے۔