امریکی صدرکی  دنیابھرکے مسلمانوں کو رمضان المبارک کی مبارکباد

امریکی صدر ٹرمپ نے دنیابھرکے مسلمانوں کو رمضان المبارک کی مبارکباد دی ہے۔ وائٹ ہاؤس کی جانب سے رمضان المبار کے موقع پر جاری کردہ خصوصی صدارتی پیغام میں رمضان المبارک کو روحانی تجدید اور عبادت کا مقدس مہینہ قراردیاگیاہے۔

امریکی صدرکی جانب سے پیغام میں کہاگیاہے کہ نماز، روزہ اور خیرات مشترکہ انسانی اقدارہیں۔ رحم ، عاجزی اور ہمدردی ماہ صیام کی بنیادہیں۔ صدرٹرمپ  نےکہاکہ رمضان میں مسلمان عبادت، روزہ، دعا اور خیرات میں مشغول رہتے ہیں کیوں کہ یہ خدا کی نعمتوں پر شکر بجا لانے کا مقدس مہینہ ہے۔

۔امریکی صدرکاکہناتھاکہ مذہبی آزادی کسی بھی قوم کی طاقت اور خوشحالی کی بنیاد ہے۔ امریکی انتظامیہ ہرشہری کو بلاخوف مذہب پر عمل کی آزادی دینے کےلیے پُرعزم ہے۔ امریکی صدر نے اپنے پیغام میں دنیا بھرمیں امن، اتحاد اورخوشحالی کی دعاکرتے ہوئے گھریلو خوشیوں کےلیے نیک تمناؤں کا اظہارکیا۔