امریکا میں حکومتی شٹ ڈاؤن 37ویں روز میں داخل، فضائی پروازوں میں 10 فیصد کمی

واشنگٹن: امریکا میں حکومتی شٹ ڈاؤن سینتیسویں روز میں داخل ہوگیا ہے، جس کے باعث ملکی نظامِ کار شدید متاثر ہونے لگا ہے۔

عملے کی کمی کے پیش نظر امریکی وزارتِ ٹرانسپورٹیشن نے ملک بھر میں پروازوں میں 10 فیصد کمی کا اعلان کیا ہے۔وزیرِ ٹرانسپورٹیشن کے مطابق 40 بڑے ہوائی اڈوں پر پروازوں میں کمی کا فیصلہ فضائی ٹریفک کی سلامتی سے متعلق خدشات کے باعث کیا گیا۔امریکی حکام کا کہنا ہے کہ 13 ہزار فضائی کنٹرولرز اور 50 ہزار ٹی ایس اے اہلکار بغیر تنخواہ کے اپنے فرائض انجام دے رہے ہیں۔ ایئرلائنز کو پروازوں کی تعداد کم کرنے کی ہدایت جاری کر دی گئی ہے تاکہ فضائی نظام کو محفوظ اور مؤثر رکھا جا سکے