امریکا نے وینزویلا کی تیل صنعت پر پابندیاں نرم کر دیں

امریکا نے وینزویلا کی تیل صنعت پر عائد پابندیوں میں نرمی کر دی ہے۔ امریکی محکمہ خزانہ کے مطابق وینزویلا کی تیل صنعت کے لیے جنرل لائسنس جاری کر دیا گیا ہے، جس کے تحت حکومت کو معمول کی تیل سے متعلق ٹرانزیکشنز کی اجازت حاصل ہو گئی ہے۔

محکمہ خزانہ کا کہنا ہے کہ نئے لائسنس کے تحت تیل کی برآمد، فروخت، ترسیل اور ریفائننگ کی سرگرمیاں امریکی اداروں کے لیے ممکن ہوں گی۔

امریکی حکام کے مطابق یہ فیصلہ وینزویلا میں سرمایہ کاری بڑھانے اور توانائی کے شعبے میں استحکام لانے کی کوششوں کا حصہ ہے۔