ایران ایٹمی ہتھیاروں کی جانب بڑھنے سے باز رہے، تمام آپشنز استعمال کے لیے تیار ہیں

واشنگٹن: امریکی وزیر دفاع پیٹ ہیگسیتھ نے ایران کو خبردار کیا ہے کہ وہ ایٹمی ہتھیاروں کی جانب بڑھنے سے گریز کرے، اور کہا کہ امریکہ تمام ممکنہ آپشنز استعمال کرنے کے لیے تیار ہے۔

پیٹ ہیگسیتھ نے کہا کہ ایران کے پاس معاہدہ کرنے کا موقع تھا اور اسے اپنی جوہری صلاحیت میں اضافہ نہیں کرنا چاہیے تھا۔ انہوں نے مزید کہا کہ امریکی محکمہ دفاع ایران کے معاملے میں صدر ڈونلڈ ٹرمپ کی توقعات کے مطابق عمل کرنے کے لیے مکمل طور پر تیار ہے اور جو بھی صدر ٹرمپ چاہیں گے، پینٹاگون اسے کرنے کے لیے تیار ہے۔

ادھر امریکی بحری بیڑہ مشرقی وسطیٰ میں تعینات کر دیا گیا ہے تاکہ ایران کی کسی بھی ممکنہ جوہری اور عسکری سرگرمی کے لیے تیار رہا جا سکے۔