امریکی قونصل جنرل چارلس گُڈمن کی ٹیم یو ایس اے کو کامیابی پر مبارکباد
Web Desk
25 November 2025
امریکی قونصل جنرل چارلس گُڈمن نے نیشنل بینک اسٹیڈیم کراچی میں امریکا اور سری لنکا کے درمیان اوور 40 ٹی 20 ورلڈ کپ کے میچ میں شرکت کی، جہاں انہوں نے ٹیم یو ایس اے کی جیت پر مبارکباد پیش کی اور کھیلوں کے ذریعے قوموں کو قریب لانے کے کردار کو اُجاگر کیا۔ اس موقع پر سندھ بھر سے ’’انگلش ایکسس‘‘ پروگرام کے 500 سے زائد طلبہ نے بھی میچ دیکھا اور کرکٹ سے لطف اندوز ہوئے۔
قونصل جنرل گُڈمن نے میچ سے قبل سینئر اسپورٹس رپورٹرز سے گفتگو کی اور کمنٹری باکس سے لائیو تبصرہ بھی کیا۔ ٹیم یو ایس اے کی فتح کے بعد انہوں نے کھلاڑیوں کو ٹرافیاں پیش کیں اور سری لنکن ٹیم کی کارکردگی کو بھی سراہا۔ ان کا کہنا تھا کہ ایسے کھیل تعلقات مضبوط بنانے اور مختلف ثقافتوں کے لوگوں کو ایک دوسرے کے قریب لانے میں اہم کردار ادا کرتے ہیں۔

انٹرنیشنل ماسٹرز کرکٹ اوور 40 ٹی 20 ورلڈ کپ میں بارہ بین الاقوامی ٹیمیں حصہ لے رہی ہیں۔ یہ ٹورنامنٹ 21 نومبر سے یکم دسمبر تک کراچی کے پانچ مختلف مقامات پر 42 میچوں پر مشتمل ہے، جس کا انعقاد پاکستان ویٹرنز کرکٹ ایسوسی ایشن کے تحت کیا جا رہا ہے۔ سابق ٹیسٹ اور فرسٹ کلاس کرکٹرز ایک بار پھر اپنی مہارت کا مظاہرہ کر رہے ہیں۔
کپتان محمد فَرّخ اور نائب کپتان زیشان محمد کی قیادت میں ٹیم یو ایس اے امریکہ میں کرکٹ کے فروغ کے مشن پر گامزن ہے۔ ٹیم کی شرکت امریکہ کے ’’میگا ڈیکیڈ آف اسپورٹس‘‘ کا حصہ ہے، جو 2026 فیفا ورلڈ کپ اور 2028 لاس اینجلس اولمپکس کی تیاریوں کے تناظر میں عالمی سطح پر امریکی کرکٹ کی شناخت کو مضبوط بنا رہی ہے۔
قونصل جنرل گُڈمن نے مزید کہا کہ ’’کھیلوں میں سرحدوں اور قوموں کو جوڑنے کی صلاحیت ہے۔ پاکستان میں امریکی مشن نوجوانوں کو باہم جوڑنے اور شراکت داری کو مضبوط بنانے والی سرگرمیوں کی حمایت جاری رکھے گا۔ آج کا یو ایس اے–سری لنکا کرکٹ میچ اس کا بہترین نمونہ ہے
متعلقہ عنوانات
اماراتی صدر سے امریکی وزیر داخلہ کی ملاقات، دوطرفہ تعلقات و علاقائی صورتحال پر تبادلہ خیال
22 November 2026
امریکا اور کینیڈا کی افواج کے درمیان تعاون محدود کرنے کا مبینہ خفیہ میمو سامنے آگیا
22 November 2026
ٹرمپ کا یورپی ممالک کو یوکرین جنگ پر اخراجات کم کرنے کا مشورہ
22 November 2026
امریکہ نے ایران کا ایف 16 طیارے کو نشانہ بنانے کا دعویٰ مسترد کر دیا
22 November 2026
امریکی تحقیقاتی ادارے ایف بی آئی کے کرائم انفارمیشن سینٹر کا ڈیٹا بیس ہیک ہو گیا
22 November 2026
ٹرمپ کا ایران کے ساتھ مستقل جوہری معاہدہ کرنے کا اعلان
21 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
21 November 2026