خواجہ آصف سے امریکی ناظم الامور کی ملاقات، دوطرفہ تعاون پر گفتگو

پاکستان میں تعینات امریکی ناظم الامور نٹالی بیکر نے اسلام آباد میں وفاقی وزیر دفاع خواجہ محمد آصف سے اہم ملاقات کی ہے۔ ترجمان وزارت دفاع کے مطابق ملاقات کے دوران باہمی دلچسپی کے امور، علاقائی اور بین الاقوامی سیکیورٹی کی صورتحال، اور دوطرفہ تعاون کو مزید مستحکم کرنے کے امکانات پر تفصیلی تبادلہ خیال کیا گیا۔

اس موقع پر وزیر دفاع خواجہ محمد آصف نے علاقائی امن، سلامتی اور استحکام کے مشترکہ اہداف حاصل کرنے کے لیے مسلسل رابطوں اور تعمیری بات چیت کی اہمیت پر زور دیا۔ ترجمان کے مطابق یہ ملاقات خوشگوار اور مثبت ماحول میں منعقد ہوئی، جو دونوں ممالک کے درمیان اہم سیکیورٹی و سفارتی امور پر تعاون اور مسلسل رابطے برقرار رکھنے کے مشترکہ عزم کی عکاسی کرتی ہے۔