امریکہ میں شدید برفباری: 65 افراد ہلاک، ہزاروں پروازیں منسوخ

امریکا میں برفباری نے قیامت ڈھا دی ہے۔۔مختلف حادثات اور واقعات میں اموات کی تعداد پینسٹھ ہوگئی۔۔فضائی آپریشن درہم برہم ہونے سے ہزاروں پروازیں منسوخ کردی گئیں۔۔امریکن ائیر لائنز کی چھ سو تریپن پروازیں منسوخ،ایک ہزار ستتر تاخیر کا شکار ہیں۔۔ڈیلس فورٹ ورتھ ائیرپورٹ پر بھی برفباری اور بارش سے آپریشن شدید متاثر ہے۔۔امریکی میڈیا کے مطابق امریکی ائیرلائنز نے عملے کو اضافی شفٹس کرنے پر ڈبل تنخواہ کی پیشکش کی ہے۔۔ایسٹ امریکا میں درجہ حرارت نقطہ انجماد سے نیچے گر گیا۔۔شکاگو میں منفی چودہ،کلیولینڈ میں منفی گیارہ ڈگری سینٹی گریڈ ریکارڈ کیا گیا۔۔ٹینیسی اور مسی سیپی میں وقفے وقفے سے ہونیوالی برفباری سے ایک لاکھ سے زائد صارفین بجلی سے محروم ہیں۔۔محکمہ موسمیات کا کہنا ہے کہ نیویارک اور نیو جرسی میں شدید سرد ہوائیں چلنے کا امکان ہے۔۔سردی اگلے ہفتے تک برقراررہنے کی پیشگوئی کی گئی ہے۔۔