ترکیہ کی پارلیمنٹ نے مکہ مشترکہ دفاعی معاہدے کی توثیق کردی

ترکیہ کی پارلیمنٹ نے پاکستان، ترکیہ اور سعودی عرب کے درمیان طے پانے والے تاریخی ‘مکہ مشترکہ دفاعی معاہدے’ کی کثرتِ رائے سے باضابطہ توثیق کر دی ہے۔

ترک میڈیا کے مطابق 600 رکنی ترک پارلیمنٹ میں ووٹنگ کے عمل کے دوران معاہدے کے حق میں 279 ووٹ آئے جبکہ 119 ارکان نے اس کی مخالفت کی، مجموعی طور پر 398 قانون سازوں نے رائے شماری میں حصہ لیا۔ ترکیہ کی پارلیمانی خارجہ امور کمیٹی کے چیئرمین نے وضاحت کی کہ یہ سہ فریقی اتحاد مکمل طور پر دفاعی نوعیت کا ہے اور اس کا مقصد کسی دوسرے ملک کے خلاف جارحیت کرنا نہیں۔

واضح رہے کہ پاکستان، ترکیہ اور سعودی عرب نے رواں برس 7 اگست کو مکہ مکرمہ میں اس مشترکہ دفاعی معاہدے پر دستخط کیے تھے، جس کے تحت تینوں برادر اسلامی ممالک سیکیورٹی اور دفاعی صلاحیتوں کو باہم مضبوط بنانے کے پابند ہوں گے۔