روس یوکرین کے توانائی مراکز پر نئے حملوں کی تیاری کر رہا ہے، زیلنسکی

یوکرین کے صدر ولودومیر زیلنسکی نے متنبہ کیا ہے کہ روس ملک کے توانائی کے بنیادی ڈھانچے اور اہم مواصلاتی نیٹ ورک پر نئے تباہ کن حملوں کی تیاری کر رہا ہے۔

غیر ملکی خبر ایجنسی کے مطابق، یوکرینی صدر نے اپنے تازہ ترین بیان میں خدشہ ظاہر کیا ہے کہ روسی افواج آنے والے دنوں میں دریائے ڈنیپرو پر قائم اہم اسٹریٹجک پلوں کو بھی ہدف بنا سکتی ہیں۔ صدر زیلنسکی کا کہنا تھا کہ یوکرینی اداروں کو روسی حملوں کے ان ممکنہ منصوبوں کے بارے میں ٹھوس انٹیلی جنس اطلاعات موصول ہوئی ہیں۔

انہوں نے خبردار کیا کہ بجلی اور توانائی کی تنصیبات سمیت اہم رابطہ پلوں کو نشانہ بنانے کا مقصد ملک کی دفاعی صورتحال اور شہریوں کی معمولاتِ زندگی کو شدید متاثر کرنا ہے۔