ٹرمپ نے کینیڈا کو غزہ ‘بورڈ آف پیس’ میں شامل ہونے کی دعوت واپس لے لی

امریکی صدر ڈونلڈ ٹرمپ نے سوئٹزرلینڈ کے شہر ڈیووس میں عالمی اقتصادی فورم کے موقع پر اعلان کیا کہ وہ کینیڈا کے وزیر اعظم مارک کارنی کو غزہ کے لیے ان کے “بورڈ آف پیس” اقدام میں شامل ہونے کی دعوت واپس لے رہے ہیں۔

صدر ٹرمپ نے ٹروتھ سوشل ویب سائٹ پر لکھا کہ مارک کارنی کو اس اقدام میں شامل ہونے کے لیے بلایا گیا تھا، تاہم بورڈ آف پیس نے کینیڈا کے دعوت نامے کو واپس لے لیا۔

واضح رہے کہ غزہ بورڈ آف پیس دنیا کے بااثر ترین رہنماؤں کا فورم ہے، اور امریکی صدر ٹرمپ کی تشکیل کردہ اس تنظیم میں اب تک پاکستان سمیت 19 ممالک شمولیت اختیار کرچکے ہیں۔