ایران کو ایٹمی طاقت نہیں بننے دیں گے، ڈونلڈ ٹرمپ

امریکی صدر ڈونلڈ ٹرمپ نے کہا ہے کہ ایران شیطانی سلطنت ہے اسے ایٹمی طاقت بننے نہیں دیں گے۔ صدر ٹرمپ نے اپنے حالیہ بیان میں ایران کو ایٹمی طاقت بننے اور مشرقِ وسطیٰ سمیت دنیا کو تباہی سے روکنا ان کی ترجیحات میں شامل ہے۔ صدر ٹرمپ کا کہنا تھا کہ تیل کی بڑھتی قیمتیں امریکا کے لیے بھاری منافع کا ذریعہ ہیں تاہم تیل کی قیمتیں جلد ہی اس حد تک کم ہوں گی جس کا کسی کو گمان بھی نہیں ہوگا۔ انہوں نے کہا کہ بتیس ممالک کی جانب سے اپنے تیل کے ذخائر مارکیٹ میں لانے کے فیصلے سے قیمتوں میں نمایاں کمی آئے گی۔ انہوں نے واضح کیا کہ آبنائے ہرمز کی صورتحال پر گہری نظر رکھے ہوئے ہیں تاکہ عالمی سپلائی متاثر نہ ہو۔